Thank You

വയനാട് ജില്ലയിലെ മാനന്തവാടി ഉപജില്ലയിൽ ഒണ്ടയങ്ങാടി എന്ന സ്ഥലത്ത് സ്ഥിതിചെയ്യുന്ന എൽ.പി വിദ്യാലയമാണ് സെന്റ് മാർട്ടിൻസ് എൽ പി എസ് ഒണ്ടയങ്ങാടി . ഇവിടെ 40ആൺ കുട്ടികളും 50 പെൺകുട്ടികളും അടക്കം 90 വിദ്യാർത്ഥികൾ പഠിക്കുന്നുണ്ട്.1976 ൽ മെയ് 26 അന്നത്തെ എം.എൽ.എ. ശ്രീ എം.വി. രാജൻ മാസ്റ്ററുടെ അധ്യക്ഷതയിൽ മാനന്തവാടി രൂപതയുടെ അഭിവന്ദ്യ പിതാവ് മാർ ജേക്കബ് തൂങ്കുഴി സ്കൂൾ കെട്ടിടം ഉദ്ഘാടനം ചെയ്തു. 1985 ൽ സ്കൂൾ മാനന്തവാടി രൂപതയിൽ ലയിച്ചു. 1974 ൽ വികാരിയായ റവ. ഫാദർ തുരുത്തിക്കാട്ടിലിെൻറ ശ്രമഫലമായി 5 ക്ലാസ്സോടുകൂടിയ കെട്ടിടം നിലവിൽ വന്നു. 1986 ൽ സ്കൂളിന് സ്ഥിരാംഗീകാരം ലഭിച്ചു. 1976 ൽ സ്കൂൾ ആരംഭിക്കാൻ ഒന്നാം ക്ലാസിൽ മൂന്ന് ഡിവിഷനുകളിലായി 119 കുട്ടികൾ ഉണ്ടായിരുന്നു.1979 ൽ നാലാം ക്ലാസ്സോടുകൂടിയ പൂർണ്ണ എൽ.പി. ആയി. ആദ്യത്തെ അധ്യാപികയായി ശ്രീമതി അന്ന റ്റി.ഐ ചുമതലയേറ്റു. 1985 കണിയാരം എ.എൽ.പി.സ്കൂൾ മാസ്റ്ററായിരുന്ന ശ്രീ കെ.ജെ. വർഗ്ഗീസ് സാർ ചുമതലയേറ്റു. സ്കൂളിന്റെ ആരംഭത്തിൽ അറബി അധ്യാപകനടക്കം ഒൻപത് അധ്യാകരുണ്ടായിരുന്നു.