Thank You

  ഭൂമി ശാസ്ത്രമായ വേർതിരിവ് കൊണ്ട് കൊട്ടിയൂർ കേരളത്തിലെ മലനാട് ദക്ഷിണ ഭൂമി എന്നാണ് ഹിന്ദു പുരാണങ്ങൾ വിശേഷിപ്പിക്കുന്നത്. പണിയാ കുറിച്യ  സമുദായങ്ങൾ അധിവസിച്ചിരുന്ന ഈ പ്രദേശം പഴശ്ശി രാജാവിന്റെ അധീനതയിലായിരുന്നു എന്ന് പറയപ്പെടുന്നു. കൊട്ടിയൂരിന്റെ  കിഴക്കു പ്രദേശമാണ് അമ്പായത്തോട്. രാജ പാതയായ പേരാവൂർ ബോയ്സ് ടൗൺ റോഡ് പ്രകൃതിരമണീയമായ മലനിരകളുടെ പാതപീഠമായി വിരാചി ക്കുന്ന ഈ നാടിന്റെ ഉത്തരപദം കാനനഭംഗി കൊണ്ടും  ദക്ഷിണാഗം മലനിരകൾ കൊണ്ടും  അനുഗ്രഹീതമാണ്. മല നിരക്കുകളെ തഴുകി തലോടി കൊണ്ട് പുണ്യവാഹിനി  ബാവലിപ്പുഴ അമൃത തീർത്തും നൽകുന്നു. 1959-ൽ കുര്യാക്കോസ് പള്ളിക്കാമഠം മേൽനോട്ടം വഹിച്ചിരുന്ന ഒരു ആശാൻ പള്ളിക്കൂടം അമ്പായത്തോട്പ്രവർത്തിച്ചിരുന്നു. ഈ അവസരത്തിലാണ് ഒരു എൽ പി സ്കൂളിന്റെ സാധ്യതയെക്കുറിച്ച് അന്വേഷിച്ച് കുര്യാക്കോസ് പള്ളിക്കാമഠം കുറിച്യൻ വെള്ളനെയും കൂട്ടി അപേക്ഷ പത്രം A E O  യ്ക്ക്  സമർപ്പിച്ചത്. തുടർന്ന് സ്കൂൾ അനുവദിച്ചു കിട്ടി. ഈ വിദ്യാലയമാണ് ഇന്നത്തെ സെന്റ് ജോർജ് എൽപി സ്കൂൾ അമ്പായത്തോട്. 

         1960 ജൂൺ മാസത്തിലെ ആദ്യ ദിവസം തന്നെ ഈ വിദ്യാലയത്തിലെ പ്രവർത്തനമാരംഭിച്ചു. ചങ്ങനാശ്ശേരി കാരനായ ശ്രീ സോമശേഖരൻ നായർ(മുട്ടാർ സോമൻ ) ആയിരുന്നു ഈ സ്കൂളിലെ ആദ്യ അധ്യാപകൻ. പ്രഥമ ഹെഡ്മാസ്റ്റർ ശ്രീ തോമസ് മാസ്റ്റർ ആയിരുന്നു ആയിരുന്നു. 

 ഈ വിദ്യാലയത്തിലെ ആദ്യ മാനേജർ റവ. ഫാ. ജോൺ ഇളംതുരുത്തിയിൽ ആയിരുന്നു. തുടർന്നുവന്ന മാനേജർ അച്ചന്മാരുടെയും അന്നത്തെ A E O കുഞ്ഞമ്പു സാറിന്റെയും തുടർന്ന് വന്ന ഓഫീസർമാരുടെയും മേൽനോട്ടവും നിർദ്ദേശങ്ങളും ഈ വിദ്യാലയത്തെ പുരോഗതിയിൽ എത്തിച്ചു. 

                                    മുൻ സാരഥികൾ                                            

• ശ്രീ.തോമസ് കെ വി                     (13-06-1960   to   30-06-1960)
• ശ്രീ.ആൻ്റണി ജോർജ്                  (01-07-1960   to   31-03-1987)
• ശ്രീ.എ.റ്റി ഔസേപ്പ്                       (01-04-1987   to    31-03-1990)
• ശ്രീ.പി.സി മാത്യു                           (01-04-1990   to   31-03-1991)
• സി.എ.ടി ചിന്നമ്മ                          (01-04-1991   to   31-03-1995)
• ശ്രീ.എം.ഐ ചെറിയാൻ                 (01-04-1995   to   31-03-1997)
• ശ്രീമതി.പി.ജെ അന്നക്കുട്ടി                (01-04-1997   to   31-03-2000)
• ശ്രീമതി. എ.ആർ.ലീലാമണിയമ്മ       (01-04-2000   to    31-03-2003)
• സി.റോസമ്മ എം                            (01-04-2003   to    01-06-2005)
• ശ്രീമതി. മറിയം പി.എ                      (01-06-2005    to   31-03-2008)
•  സി.അന്നക്കുട്ടി                               (01-04-2008   to   31-03-2010)
• ശ്രീ.എം.പി ജോസഫ്                       (31-03-2010   to   21-04-2014)
• ശ്രീ.ജോൺ എ.വി                           (21-04-2014   to    31-03-2015)
• ശ്രീ.തോമസ് ജേക്കബ്                      (06-04-2015    to  31-03- 2021)                                 
•         ശ്രീമതി. മേരി മാത്യു          (01-06-2021 to 31-05-2022)     

                        ഇപ്പോഴത്തെ ലോക്കൽ മാനേജർ റവ. ഫാ. കുര്യൻവാഴയിലിനൊപ്പം ഹെഡ്മാസ്റ്റ്ർ ശ്രീ. അബ്രഹാം ഒ. യു സാറിനോടൊപ്പം  മൂന്ന് അദ്ധ്യാപകരും ചേർന്ന് സ്കൂളിനെ നയിക്കുന്നു.